11:26 - 14.09.2026

---

14 Sentyabr, Fineko/abc.az. Təchizat zəncirindəki mövqeyini gücləndirmək istəyən "Nvidia" süni intellekt tərtibatçısı "Anthropic"in ictimai səhmdar cəmiyyətinə çevrilməsi (IPO) prosesində ana investor qismində çıxış etməyi nəzərdən keçirir.

İnsayderlərin məlumatına görə, "Anthropic" təxminən 2 trilyon dollar qiymətləndirmə ilə 100 milyard dollara qədər xüsusi kapital toplamağı hədəfləyir. "Nvidia" isə bu irimiqyaslı IPO çərçivəsində şirkətə 10 milyard dollara qədər vasitə yatırmağı planlaşdırır.

Bu razılaşma "Anthropic"ə ilkin strateji dəstək verməklə yanaşı, mikrosxem istehsalçısı ilə onun ən iri müştərilərindən biri olan şirkət arasındakı kommersiya əlaqələrini daha da dərinləşdirəcək. Müzakirələr konfidensial xarakter daşıyır və planların dəyişmə ehtimalı qalmaqdadır. "Nvidia" kimi nəhəng bir investorun prosesə qoşulması, süni intellekt laboratoriyalarının nəhəng bazar dəyəri və yüksək kapital tələblərinə qarşı bazarda investor inamını əhəmiyyətli dərəcədə artıra bilər.