10:31 - 17.06.2026

---

17 iyun, Fineko/abc.az. Naxçıvan Muxtar Respublikasında vergi ödəyicilərinin və kommersiya qurumlarının sayı artıb.

ABC.AZ Dövlət Vergi Xidmətinə istinadən xəbər verir ki, 2026-cı il iyunun 1-nə muxtar respublika üzrə uçotda olan vergi ödəyicilərinin sayı 55 678-ə çatıb ki, bu da ötən ilin eyni dövrü ilə müqayisədə 7,2% çoxdur.

Artım fiziki şəxslər üzrə 7,4%, hüquqi şəxslər və digər təşkilatlar üzrə isə 4,3% təşkil edib.

Eyni zamanda, qeydiyyatda olan kommersiya qurumlarının sayı illik müqayisədə 13,8% artaraq 1 883-ə yüksəlib. 2026-cı ildə qeydiyyata alınan kommersiya qurumlarının 85,6%-i elektron, 14,4%-i isə kağız daşıyıcı vasitəsilə qeydiyyatdan keçib.

Müqayisə üçün qeyd edək ki, 2025-ci ilin iyunun 1-nə Naxçıvanda aktiv vergi ödəyicilərinin sayı 21 083, aktiv ƏDV ödəyicilərinin sayı 575, aktiv təsərrüfat subyektlərinin sayı isə 6 060 olub. Bu göstəricilər müvafiq olaraq 15,5%, 13,6% və 6,1% artım nümayiş etdirmişdi.