13:08 - 19.11.2018

---

19 noyabr, Fineko/abc.az. “Business Insider” yaxın gələcəkdə hökumətdə rəqəmli texnologiyalara tam keçə biləcək ölkələrin dünya reytinqini tərtib edib.

Reytinqə görə, Azərbaycan hökumətdə informasiya texnologiyalarının tətbiqi sahəsində ilk 20 ölkə sırasına daxil olub.

Ümumilikdə reytinq 28 ölkəni əhatə edir, Azərbaycan 19-cu yeri tutur. Reytinqdə birinci yeri Sinqapur tutur, sonrakı yerlərdə isə Lüksemburq və ABŞ yer alıb.

Ümumdünya İqtisadi Forumu tərəfindən nəşr olunan qlobal rəqabət qabiliyyətli indekslər əsasında hazırlanan reytinqə, yaxın gələcəkdə hökumətdə rəqəmsal texnologiyalara tam keçə biləcək ölkələr daxildir.