18:28 - 19.03.2026

---

19 mart, Fineko/abc.az. Moskvada stasionar telefonların quraşdırılmasına tələbat artıb.

ABC.AZ xəbər verir ki, bu barədə "Forbes" nəşri yazır. Bu xidmətə xüsusilə biznes nümayəndələri böyük maraq göstərir. Bu tendensiya paytaxtın mərkəzində martın 6-dan bəri davam edən mobil internet kəsintiləri fonunda müşahidə olunur. İnsanlar narahatdırlar ki, regionlarda olduğu kimi, kəsintilər mobil rabitəyə də təsir edə bilər.

Moskvada stasionar telefonlara tələbat əsasən “Sadovoye koltso” daxilində, xüsusilə də vaxt təyini (slot rezervasiyası) tələb edən biznes sahələrində artıb. Lakin operatorların gəlirlərini əhəmiyyətli dərəcədə artıracağı ehtimalı azdır və simli rabitədən imtina üzrə ümumi tendensiya hələ də qalmaqdadır.
Hazırda Moskvada simli genişzolaqlı internetə çıxış daha çox populyarlıq qazanır. İnsanlara məhz simli Wi-Fi routerlər lazımdır, çünki əsas problemlər birbaşa mobil internetlə bağlıdır, adi mobil rabitə isə hələ ki işləyir.