11:44 - 19.03.2026

---

19 mart, Fineko/abc.az. Qətərin Ras Laffan bölgəsində yerləşən dünyanın ən iri LNG kompleksinə raket hücumları nəticəsində baş verən yanğınlar və ciddi dağıntılar qlobal qaz bazarında böyük böhran riski yaradıb.

ABC.AZ xəbər verir ki, dünya LNG tədarükünün təxminən 20%-ni təmin edən bu obyekt artıq dayandırılmışdı, lakin indi onun bərpası aylar, hətta illər çəkə bilər.

Bazarlar dərhal reaksiya verib. Fevralın sonundan İranla müharibə başlayandan bəri Avropada qaz müqavilələri 70%-dən çox, Asiyada LNG fyuçersləri isə 88% artıb. Cümə axşamı səhər ABŞ-da da qiymətlər yüksəlib — fyuçerslər 6,3% artım göstərib.

Trederlər bildirir ki, qaz bazarı üçün real təsirlər Avropa ticarəti açıldıqdan sonra daha aydın görünəcək. Hörmüz boğazının blokadasına görə zavod artıq faktiki dayanıb və bazarlar yalnız yaxın müqavilələr üzrə riskləri nəzərə alırdı. İndi isə sürətli bərpa ehtimalı aradan qalxdığı üçün qiymət təzyiqi yay və qış mövsümü, eləcə də 2027-ci il müqavilələrinə də keçəcək.

Ras-Laffanın sıradan çıxması qlobal LNG bazarını kəskin şəkildə sıxışdırır: 2026-cı ildə gözlənilən profisitin əvəzinə kəsir yaranır. İnkişaf etməkdə olan ölkələr ən çox zərər görəcək, inkişaf etmiş iqtisadiyyatlar isə sənayenin yavaşlaması və tariflərin artması ilə üzləşəcəklər.