14:56 - 12.03.2026
12 mart, Fineko/abc.az. Çin şəhəri Çunçində “Uşan İlahəsinin Eskalatoru” adlı eskalator kompleksi istifadəyə verilib. Onun uzunluğu 905 metr, hündürlük fərqi isə 242 metrdir.
ABC.AZ xəbər verir ki, əvvəllər şəhərin aşağı hissəsindən yuxarı hissəsinə gedən yol təxminən bir saat çəkirdisə, indi bu yol 20 dəqiqə ərzində qət olunur, biletin qiyməti isə 3 yuandır.
Sistemə 21 eskalator, 8 lift, 4 travolator, 2 piyada körpüsü və 2 estakada daxildir və dağ relyefinə uyğun yerləşdirilmiş, mənzərəli fasadlar və baxış platformaları ilə təchiz olunub. Layihə 20 ildən çox ərzində texniki və maliyyə çətinliklərini həll etməklə həyata keçirilib, indi isə 5 min sakin üçün yeni rahatlıq, həmçinin turistlər üçün şəhərin yeni görməli məkanı oldu.
