12:05 - 25.02.2026

---

25 fevral, Fineko/abc.az. Samsung Hindistanda büdcəli və orta büdcəli smartfonlarının qiymətini artırmağı planlaşdırır. Bu gündən etibarən yeni qiymətlər Galaxy A56, Galaxy A36 və Galaxy F17 5G modellərinə tətbiq olunub.

ABC.AZ xəbər verir ki, qiymət artımı 1–2 min rupiy (11–22 dollar) təşkil edib. Ən çox qiymət artımı Galaxy A56 və A36 modellərinin 12/256 GB konfiqurasiyalarında müşahidə olunub.

Əsas model Galaxy A56 (8/256) indi Hindistanda 45 min rupiy (495 dollar), yüksək konfiqurasiya isə 49 min rupiy (540 dollar) dəyərindədir. Galaxy A36 modellərinin eyni konfiqurasiyalarda qiyməti 400 və 445 dollar təşkil edir. Galaxy F17 5G-nin qiyməti 180–220 dollar arasındadır.

Məlumata görə, digər bazarlarda da qiymətlərin tənzimlənməsi gözlənilir. Məlumata görə, qiymət artımı yaddaş çiplərinin bahalaşması ilə əlaqədardır.