Təhsil müəssisələrinin mühafizəsi bir ildə 7 milyon manata başa gələcək

10:20 - 19.02.2026

19 fevral, Fineko/abc.az. Təhsil Nazirliyinin Təsərrüfat Hesablı Əsaslı Tikinti və Təchizat İdarəsi 7 milyon manatlıq mühafizə xidməti alır.

ABC.AZ xəbər verir ki, Azərbaycan Respublikası Təhsil Nazirliyi yanında fəaliyyət göstərən Təsərrüfat Hesablı Əsaslı Tikinti və Təchizat İdarəsi 2026-cı il ərzində bir sıra təhsil müəssisələrində mühafizə xidmətinin satınalınması ilə bağlı tenderə yekun vurub.

Keçirilmiş satınalma prosedurunun nəticəsinə əsasən, qalib şirkət GESCO Açıq Səhmdar Cəmiyyəti olub.

Müqavilənin ümumi dəyəri 7 016 259 manat təşkil edir.