11:47 - 26.12.2025

---

26 dekabr, Fineko/abc.az. Çin Kosmik Elm və Texnologiya Korporasiyası (CASC) 17-ci rabitə peyki SatNet blokunu aşağı orbitə uğurla çıxarıb.

ABC.AZ xəbər verir ki, missiyanın startı cümə günü yerli vaxtla 07:26-da (Bakı vaxtı ilə 03:26) Xaynan adasında yerləşən Vənçan kosmodromunun kommersiya platformasından CZ-8A (“Çançjen-8-a”) daşıyıcı raketi ilə həyata keçirilib.

CZ-8-in təkmilləşdirilmiş versiyası olan CZ-8A modeli, modernləşdirilmiş birinci mərhələ və yeni hidrogen-oksigen mühərriki YF-75H ilə genişləndirilmiş ikinci mərhələyə malikdir. 50,5 m uzunluğa və 5,2 m diametrli aerodinamik başlığa sahib raket aşağı orbitə 9,8 t, geostasionar keçid orbitinə isə 3,5 t faydalı yük çıxara bilir.

Bu, CZ-8A-nın altıncı uçuşu və “Çançjen” raket ailəsinin 620-ci missiyasıdır. 2025-ci ildə bu yeni modelin bütün altı uçuşu uğurla həyata keçirilib.