15:01 - 24.10.2025
24 oktyabr, Fineko/abc.az. Nike gələcək üçün bir neçə iddialı layihə təqdim edib, onlardan biri də Project Amplify adlı, yerimə və qaçışı asanlaşdırmaq üçün nəzərdə tutulan, ayaqqabıya əlavə edilən robot qurğusudur. Şirkət bu robotlaşdırılmış sistemi elektrik velosipedinə bənzədir.
ABC.AZ-ın məlumatına görə, şirkətdən bildirilib ki, bu məhsul, bir neçə saniyə qazanmağa çalışan sürətli idmançılar üçün nəzərdə tutulmayıb.
“Bu, daha çox daha uzağa və daha sürətlə, amma az səylə qaçmaq istəyən idmançılar üçündür. Faktiki olaraq, bu ikinci baldır əzələsi kimidir”, – deyə Nike-ın press-relizində qeyd olunur.
Project Amplify-nin kütləvi istehsalına təxminən 2028-ci ilə qədər başlanması planlaşdırılır.
