17:38 - 20.02.2025

---

20 fevral, Fineko/abc.az. Çin Yer kürəsini böyük asteroidlərlə toqquşma risklərindən qoruyacaq müdafiə sistemi yaratmaq üçün səylər göstərir.  

ABC.AZ xəbər verir ki, bu barədə China Daily qəzeti məlumat yayıb.

Fevral ayında ÇXR Dövlət Müdafiə elmi, texnologiyası və Sənayesi İdarəsi "asteroid müdafiəsi" üzrə üç vəzifə də daxil olmaqla işçilərin işə götürüldüyünü elan etmişdi. "Bu, Çinin asteroidlərə qarşı uzunmüddətli müdafiə planı hazırlaması kimi qiymətləndirilir", - nəşrin məqaləsində deyilir.
Material müəllifi qeyd edib ki, 27 dekabr 2024-cü ildə astronomlar planetin yaxınlığında 2024 YR4 səma cismini aşkar ediblər ki, bu da o vaxt ondan cəmi 828,8 min km məsafədə idi ki, bu da Yerdən Aya qədər olan ikiqat məsafəyə bərabərdir. 
"22 dekabr 2032-ci ildə onun toqquşmasının yüzdə iki ehtimalından narahat olanlar, Çinin Yerə yaxın asteroidlərdən qorunma sistemi hazırladığı xəbərlərində rahatlıq tapmalıdırlar", — məqalənin müəllifi əlavə edib.