11:41 - 13.02.2025
13 fevral, Fineko/abc.az. Roçester Universitetinin alimləri QR kod fırıldaqçılığından qorunmaq üçün yeni texnologiya hazırlayıblar.
ABC.AZ xəbər verir ki, tədqiqatçılar tanış "sürətli" kodların təkmilləşdirilmiş versiyasını – özü tanıyan iki modullu QR kodlar (SDMQR) yaradıblar. Bu yenilik, smartfon istifadəçilərini, təcavüzkarların həssas məlumatları oğurlamaq üçün saxta QR kodlarından istifadə etdikləri "quishing" hücumlarından qorumaq məqsədi daşıyır.
SDMQR kodları, şirkətlər kimi rəsmi mənbələrin URL-lərini əvvəlcədən qeydiyyatdan keçirməsinə və QR koduna kriptoqrafik imza daxil etməsinə imkan verərək əlavə təhlükəsizlik təmin edir. Belə bir kodu skan edərkən, dekoder istifadəçiyə linkin sınanmış və etibarlı olub olmadığını və ya şəxsi məlumatları daxil edərkən diqqətli olmağı tələb edən yoxlanılmamış bir mənbəyə apardığını bildirir.
Vacibdi ki, yeni texnologiya QR kodlarının mövcud funksionallığını pozmur.
Tədqiqatçılar daha çox məlumat yerləşdirə bilən və bir kodun istifadəçiləri bir anda üç fərqli mənbəyə aparmasına imkan verən rəngli QR kodları da hazırlayırlar.
