17:07 - 23.12.2024

---

23 dekabr, Fineko/abc.az. “Türk Hava Yolları” dünyada digər aviaşirkətlərdən daha çox ölkələrə uçuşlar həyata keçirir.

ABC.AZ xəbər verir ki, bu nəticə rəsmi olaraq Ginnesin Rekordlar Kitabı tərəfindən qəbul edilib. Daşıyıcı 2012-ci ildən etibarən rekordu qeyri-rəsmi olaraq qoruduğunu vurğulayır.

“Türk Hava Yolları”, Çiliyə ilk uçuşunu həyata keçirdikdən sonra Santiago Arturo Merino Benitez beynəlxalq hava limanında müvəffəqiyyəti təsdiqləyən sertifikatı alıb.

Guinness World Records məlumatları göstərib ki, aviaşirkət hazırda 120 ölkəyə uçuş həyata keçirir. Aviaşirkət əlavə edir ki, rəqəm Çiliyə uçuşu və bu rəqəmi 131-ə çatdıracaq müvəqqəti dayandırılmış marşrutları nəzərə almır.