16:20 - 3.11.2017

---

Bakı-Tbilisi-Qars (BTQ) dəmir yolu xətti ilə Qazaxıstandan  göndərilmiş ilk qataq Qarsa çatdı.

Qatarın qarşılanması mərasimində TCDD Taşımacılık AŞ-nin (Türkiyənin milli dəmiryolu yük  daşıyıcısı) baş direktoru Veysi Kurt jurnalistlərə bildirib ki, yük tərkibi 40 saat ərzində 856 km-lik məsafəni qət edib.

“Qatar Qarsdan  son təyinat məntəqəsi olan Mərsin şəhərinə yola düşdü. Bu yola da həmçinin 40 saat vaxt sərf olunacaq. Şəhərlər arasındakı məsafə 1258 km təşkil edir”, - Kurt belə deyib.

O bildirib ki,  Mərsin şəhərinə yola düşən qatara 30 konteyner daxildir. Qazaxıstandan Mərsinə qədər qatar 4,5 min km-lik yolu qət edəcək.

Baş direktorun sözlərinə görə, BTQ ilə yük daşımaları 17 milyon tondan yuxarı olacaq.