11:12 - 16.10.2024

---

16 oktyabr, Fineko/abc.az. Rusiya hökuməti 2025-ci ildə miqrantların müvəqqəti yaşaması üçün kvotanı 5,5 min icazə miqdarında təsdiq edərək təxminən iki dəfə azaldıb.

ABC.AZ TASS-a istinadən xəbər verir ki, müvafiq sərəncama əsasən, bu il kvota 10,6 min icazə təşkil edib.

Gələn il üçün ən çox icazə Moskva və Moskva vilayətinə verilib.

Kvotanın həcmi son beş ildə azalıb: 2021-ci ildə hökumət 39 mindən çox, 2022-ci ildə təxminən 19 min, 2023-cü ildə 13,5 min icazə verib.