12:20 - 23.09.2024

---

23 sentyabr, Fineko/abc.az. “Flight Centre”in tərtib etdiyi 2024-cü ildə ən populyar ölkələrin siyahısında dörd Asiya dövləti var: Yaponiya, Sinqapur, Türkiyə və Vyetnam. Yaponiya dördüncü, Sinqapur altıncı, Türkiyə doqquzuncu, Vyetnam onuncu olub.

ABC.AZ xəbər verir ki, səyahət edənlər üçün dünyanın ən yaxşı ölkəsi qonaqların məmnunluq səviyyəsinin 94% olduğu Portuqaliya, ardından 93% ilə Cook Adaları olaraq tanınıb. Avstraliya üçüncü yeri tutub, İspaniya isə ilk beşliyi tamamlayıb.

Tədqiqat beş qitənin — Avstraliya, Yeni Zelandiya, Cənubi Afrika, Kanada və İngiltərənin 170 mindən çox səyahətçisini əhatə edib.

Səyahət üçün ölkələrin ilk onluğu:

1. Portuqaliya (Avropa);

2. Cook Adaları (Okeaniya);

3. Avstraliya (Okeaniya);

4. Yaponiya (Asiya);

5. İspaniya (Avropa);

6. Sinqapur (Asiya);

7. Yunanıstan (Avropa);

8. İrlandiya (Avropa);

9. Türkiyə (Avropa / Asiya);

10. Vyetnam (Asiya).