11:10 - 11.06.2024

---

11 iyun, Fineko/abc.az. 11 iyun çərşənbə axşamı günü ticarətin ilk saatlarında bitkoin həftəlik minimuma düşüb, çünki investorlar ABŞ Federal ehtiyat sisteminin (FED) mövqeyini sərtləşdirə biləcək inflyasiya məlumatlarından narahatdırlar

ABC.AZ xəbər verir ki, beləliklə, bitkoin 2,5%-dən çox, 68 000 dollardan aşağı düşüb. Ən böyük rəqəmsal aktivin ardınca 3% - dən çox itirən eter də təzyiq altına düşüb. Altkoinlər və mem tokenlər də mənfidədir.

Paradigm törəmə platformasının həmtəsisçisi Ananda Gomez deyir ki, kripto bazarına xəbər çatışmazlığı da təsir edir. "Bazar, yatmamaq üçün daim xəbərlərə ehtiyacı olan insana bənzəyir. Beləliklə, onlar olmadıqda bazar aşağıya doğru hərəkət edir", - deyə o izah edib.