17:01 - 7.03.2024

---

7 mart, Fineko/abc.az. Avropa Komissiyasının qeyri-ictimai sənədi üzv ölkələrin hökumətlərini iqlim gündəminin icrasını sürətləndirməyə çağırır.

ABC.AZ xəbər verir ki, məlumata görə, artıq həm ölkələr arasında, həm də dövlətlər daxilində ayrı-ayrı bölgələr arasında su ehtiyatları uğrunda rəqabət gedir. İspaniya Kataloniyası qonşu Araqondan çay suyunun ona yönləndirilməsini xahiş edir, Fransada bölgələr su anbarlarının tikintisi üzrə rəqabət aparır.

Sənəd Avropada quraqlıq, daşqın, meşə yanğınları, xəstəlik, məhsul qıtlığı, istidən ölüm, infrastrukturun məhv edilməsi və ətraf mühitdəki struktur dəyişiklikləri kimi hadisələrin sayının artacağını proqnozlaşdırır və ölkələri nəticələrini zərərsizləşdirmək üçün tədbirlər görməyə çağırır. 
"Mühafizəkar qiymətləndirmə"yə görə, iqlim fəlakətləri AB iqtisadiyyatının 2100-ci ilə qədər 7% azalmasına səbəb olacaq. 2025-ci ilin sonuna qədər Avropa Komissiyası iqlim dəyişikliyinə hazırlıq üçün aqrosektor üçün fəaliyyət planı hazırlayacaq.