10:56 - 21.12.2023

---

21 dekabr, Fineko/abc.az. İran sərnişin vaqonları və lokomotivləri idxal etməyi, həmçinin yerli istehsal yük vaqonlarını ixrac etməyi planlaşdırır.

ABC.AZ xəbər verir ki, bunu "İran İslam Respublikası Dəmir Yolları"nın idarəedici direktoru Miad Salehi bildirib.

Onun sözlərinə görə, dəmir yolu yük daşımalarında beş ay ərzində (martın 21-dən avqustun 21-dək) tonajda dəmir yolu tranzitində 5% artım müşahidə olunur.

Qonşu ölkələrlə 2024-cü ilin əvvəlindən qüvvəyə minəcək müqavilələri nəzərə alsaq, bu, 2024-cü ilin mart ayının sonuna qədər dəmir yolu yük tranzitində yeni rekord olacaq.

Qonşu ölkələrlə davam edən əməkdaşlığı qeyd edən Salehi Türkmənistan, Qazaxıstan, Rusiya və Türkiyə ilə konstruktiv anlaşma memorandumlarının bağlandığını bildirib.

Salehi yaxın aylarda dəmir yolu layihələrindən birinin - 270 km uzunluğunda Yəzd-Eqlid dəmir yolunun açıldığını da bildirib.