15:15 - 7.10.2026

---

7 oktyabr, Fineko/abc.az. Paramount Skydance və Warner Bros. Discovery şirkətlərinin birləşməsi üzrə sövdələşmə başa çatıb. WBD-nin səhmləri il ərzində təxminən 63% bahalaşaraq 30,95 dollara çatıb, Paramount Skydance-in səhmləri isə təxminən 48% ucuzlaşaraq 9,78 dollara düşüb.

Yeni Skydance Corp. Warner Bros., HBO, CNN, DC Studios, Paramount Pictures, CBS, Nickelodeon, Showtime, MTV və digər aktivləri birləşdirib və oktyabrın 6-da NYSE-də ticarətə başlayıb.

Bununla yanaşı, şirkətin borcu təxminən 80 milyard dollar təşkil edib. Fitch şirkətin reytinqini BB+-dan BB-yə endirib, Moody's isə Ba3 reytinqi verib. Agentliklər yüksək borc yükünü, inteqrasiya risklərini və sinerji effektinə nail olunması ilə bağlı qeyri-müəyyənliyi qeyd ediblər. Skydance-in məqsədi 2026–2027-ci illərdə gözlənilən 7x səviyyəsindən xalis borcun düzəliş edilmiş mənfəətə nisbətini 2029-cu ilə qədər 3x və ya daha aşağı səviyyəyə endirməkdir.

Uoll-Strit analitikləri şirkətin perspektivlərinə skeptik yanaşırlar: 25 analitikdən yalnız üçü səhmlərin alınmasını, 10-u isə satılmasını tövsiyə edir.