17:13 - 22.08.2023

---

22 avqust, Fineko/abc.az. Azərbaycanda daşınmaz əmlak bazarında qiymətlərin artımı gözlənilirmi. Bu sualla ekspert Nüsrət İbrahimova müraciət olunub.

ABC.AZ xəbər verir ki, o açıqlamasında bu ilin sonuna qədər Bakıdakı mənzillərin qiymətində artım olacağının gözlənilən olduğunu bildirib.

Onun sözlərinə görə, hər ilin son rübündə daşınmaz əmlak bazarında qiymət artımı müşahidə edilir:

“Bu il də istisna deyil. Ancaq, builki artım əvvəlki 2 il ilə müqayisədə məhdud həddə, təxminən 6-8% aralığında olacaq”.

Ekspert izah edib ki, buna səbəb ötən ilin sonu və bu ilin ilk yarısında bazarda əhəmiyyətli qiymət artımı qeydə alınıb:

“Artıq bazar doymuş haldadır”.