12:16 - 11.07.2023

---

11 iyul, Fineko/abc.az. Mənzil İnşaatı Dövlət Agentliyinə (MİDA) məxsus “MİDA” MMC 2022-ci ili 2,211 milyon manat xalis mənfəətlə başa vurub.

ABC.AZ “Report”a istinadla  xəbər verir ki, bu, 2021-ci illə müqayisədə 74,1% çoxdur.

Ötən il kommersiya qurumunun müştərilərlə müqavilələrdən gəlirləri 89,328 milyon manat (əvvəlki ilə nisbətən 12,7% çox), satışının maya dəyəri 70,252 milyon manat (8,4% çox), sair əməliyyat gəlirləri 744 min manat (18,8% çox), ümumi və inzibati xərcləri 14,455 milyon manat (42,4% çox), maliyyə aktivləri üzrə xalis dəyərsizləşmə zərəri 125 min manat (əvvəlki il gəlir olub), maliyyə gəlirləri 1,68 milyon manat (18,2% az), maliyyə xərcləri 3,983 milyon manat (37,3% az), mənfəət vergisi ödəmələri isə 726 min manat (15,4% az) təşkil edib.

Bu il yanvarın 1-nə "MİDA"nın aktivləri 448,025 milyon manat olub ki, bu da 1 il əvvələ nisbətən 3% azdır. Hesabat dövründə şirkətin öhdəlikləri 19,4% azalaraq 214,054 milyon manata düşüb, balans kapitalı isə 19,3% artaraq 233,971 milyon manata çatıb.

Xatırladaq ki, "MİDA" MMC 11 aprel 2016-cı ildə yaradılıb, həmin ilin may 17-də Ədliyyə Nazirliyində dövlət qeydiyyatına alınıb. Onun nizamnamə kapitalı 10 milyon manatdır.