15:19 - 25.06.2023

---

25 iyun, Fineko/abc.az. Bu ilin yanvar-may aylarının yekunlarına görə, Azərbaycandakı 20 sığorta şirkətindən 15-nin ödənişləri illik müqayisədə artıb, 4-nün ödənişləri azalıb, 1 şirkət (“Meqa Həyat Sığorta” ASC) ötən ilin eyni dövründə ödəniş etmədiyi üçün onların ödənişlərində dinamika qeydə alınmayıb.

ABC.AZ "Renkinq”-ə istinadən xəbər verir ki, bu barədə Azərbaycan Mərkəzi Bankının açıqladığı statistik hesabatda bildirilir.

Hesabata əsasən, son 1 ildə ödənişləri ən çox artan şirkət “Aqrar Sığorta Müştərək Sığorta Şirkəti” ASC-dir. Bu şirkət 5 ay ərzində 1,002 milyon manat ödəniş edib ki, bu da 1 il əvvələ nisbətən 7,1 dəfə çoxdur. Ödənişləri ən az artan şirkət isə “PAŞA Sığorta” ASC-dir. Bu şirkətin ödənişləri 30,94 manat təşkil edib ki, bu da illik müqayisədə 2,5% çoxdur.

Ödənişləri azalan şirkətlər arasında ən pis vəziyyət "Xalq Sığorta" ASC-dədir. Bu şirkət ötən 5 ayda 9,874 milyon manat ödəniş edib ki, bu da 1 il əvvələ nisbətən 0,3% azdır. Ödənişlərdə azalma baxımından ən yaxşı vəziyyət isə “Atasığorta” ASC-dədir. Bu şirkətin ödənişləri 56,4% azalaraq 1,237 milyon manata düşüb.