16:13 - 26.08.2022

---

26 avqust, Fineko/abc.az. 2022-ci ildə Rusiyada ümumi taxıl yığımı 145 milyon tona çata bilər, ixrac potensialı isə 55-56 milyon ton təşkil edəcək.

ABC.AZ-ın məlumatına görə, bunu “Prozerno” analitik mərkəzinin baş direktoru Vladimir Petriçenko forumda bildirib.

O qeyd edib ki, əgər 145 milyon ton məhsul yığılıbsa, o zaman daxili istehlakın 83 milyon tona qədər artması ilə ixrac potensialı 55-56 milyon ton həcmində olmalıdır.

Bunun 44 milyon tonu buğdadır. Petriçenko bildirib ki, daxili istehlakın artımı, xüsusən də heyvandarlıq hesabına baş verəcək.

Petriçenko heyvandarlıq üçün istehlak artımını 1,5 milyon ton olmaqla- 45,5 milyon tona qədər qiymətləndirir.

Rusiya Kənd Təsərrüfatı Nazirliyinin təsdiq edilmiş planı məhsul yığımı üçün 130 milyon ton, ixrac üçün 50 milyon tondur.