11:34 - 18.09.2026

---

18 sentyabr, Fineko/abc.az. 2026-cı ilin yanvar-avqust aylarında ölkədə tütün məmulatlarının istehsalında əhəmiyyətli artım qeydə alınıb.

Cari ilin ilk 8 ayında 12 milyard 346.1 milyon ədəd siqaret istehsal olunub ki, bu da ötən ilin müvafiq dövrü ilə müqayisədə 15.8% çoxdur.

Eyni dövrdə emal olunmuş tütün istehsalı isə 2.2 dəfə artaraq 2 578.7 tona çatıb.

Sentyabrın 1-i vəziyyətinə sənaye müəssisələrinin anbarlarında 1 milyard 305.3 milyon ədəd siqaret və 494.5 ton emal olunmuş tütün hazır məhsul ehtiyatı qalıb.