12:18 - 13.04.2022

---

13 aprel, Fineko/abc.az. 1 may 2022-ci il tarixindən etibarən "ASAN Login” sistemində "Mobil nömrə ilə qeydiyyat” imkanı dayandırılacaq.

ABC.AZ xəbər verir ki, bu barədə portala məlumat yerləşdirilib. Bildirilir ki, sistemdə qeydiyyat yalnız "Videoqeydiyyat” vasitəsi ilə aparılacaq.

Buna qədər "ASAN Login” sistemində "Mobil nömrə ilə” və ya "Video qeydiyyat” vasitəsi ilə qeydiyyatdan keçmək mümkün idi.

Qeyd edək ki, "ASAN Login” sistemi dövlət və özəl qurumlar tərəfindən göstərilən elektron xidmətlərdən istifadə etmək üçün yaradılmış vahid giriş sistemidir.