10:49 - 15.03.2022

---

15 mart, Fineko/abc.az. Bu ilin yanvar-fevral aylarında Azərbaycanda əsas kapitala 560,2 mln. manat həcmində xarici investisiya cəlb olunub.

Dövlət Statistika Komitəsindən ABC.AZ-a daxil olan məlumata görə, bu göstərici 2021-ci il ilə müqayisədə 10,6% azdır.

Xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 554,7 mln. manatı (99%-i) Birləşmiş Krallıq, ABŞ, Yaponiya, İsveçrə, Türkiyə, Norveç, Malayziya, Hindistan, Rusiya və İran sərmayədarlarına məxsus olub.

Qeyd edək ki, ümumilikdə 2022-ci ilin ilk iki ayında Azərbaycanda əsas kapitala 1,340 mlrd. manat investisiya yatırılıb ki, bu da illik müqayisədə 2,1% azdır.