11:30 - 9.02.2021

---

9 fevral, Fineko/abc.az. Amerikanın əmək bazarına dair fundamental göstəricilərin proqnozlaşdırılandan zəif açıqlanması fonunda dolların digər aparıcı valyutalara nisbətən orta qiymətində başlayan ucuzlaşma davam edir.

ABC.AZ-ın məlumatına görə, analitiklər dollar indeksinin təqribən son bir ayın orta qiymətlərinə kimi gerilədiyini və geriləmənin müsbət fundamental siqnallar gələnə kimi davam edəcəyini proqnozlaşdırır.

Onların fikrincə, bu, özünü EUR/USD məzənnəsinin 1.21$-a kimi bahalaşmada göstərməklə yanaşı, GBP/USD məzənnəsi son iki il yarımın maksimum səviyyəsinə yüksəlib.

Burada isə əsas hərəkətverici qüvvə enerji birjalarında neft qiymətlərinin dəyər qazanmasıdır. Avropanın Brent neftinin bir barel qiyməti hazırda 61$-a təklif edilir və trend 64$-a kimi davam edə bilər.