Rusiya Azərbaycanın daha 28 müəssisəsinə icazə verdi – Alma ixrac edə biləcəklər

10:22 - 5.02.2021

5 fevral, Fineko/abc.az. Rosselxoznadzor fevralın 8-dən etibarən Azərbaycanın 28 müəssisəsindən Rusiyaya alma tədarükünə qoyulan məhdudiyyətləri ləğv edib.

ABC.AZ xəbər verir ki, qərar Azərbaycan Qida Təhlükəsizliyi Agentliyinin bu şirkətlərin almalarında hazırda soyuducuda saxlanılan və Rusiyaya göndərilə bilən karantin obyektlərinin olmaması barədə verdiyi məlumatların təhlili əsasında qəbul edilib.

Almalar Azərbaycan Qida Təhlükəsizliyi Agentliyinin zəmanəti ilə və Rusiya ərazisinə daxil olarkən gücləndirilmiş laboratoriya nəzarəti rejimində idxal ediləcək.