15:49 - 3.11.2020

---

3 noyabr, Fineko/abc.az. 2020-ci ilin 9 ayı ərzində meyvə-tərəvəz ixracı 402 milyon, pambıq lifi ixracı 83,9 milyon, alüminium və ondan hazırlanan məmulatların ixracı 73,7 milyon təşkil edib.

ABC.AZ-ın məlumatına görə, bu rəqəmlər İqtisadi İslahatların Təhlili və Kommunikasiya Mərkəzinin “İxrac İcmalı”nın 2020-ci ilin oktyabr sayında əksini tapıb.

Qeyd olunub ki, sözügedən dövrdə kimya sənayesi məhsullarının ixracı 60,3 milyon, qara metallar və onlardan hazırlanan məmulatların ixracı 38,2 milyon, plastmassa və onlardan hazırlanan məmulatların ixracı 122,4 milyon, pambıq ipliyi ixracı 12 milyon,  spirtli və spirtsiz içkilərin ixracı 9 milyon, şəkər ixracı 12,4 milyon, bitki və heyvan mənşəli piylər və yağlar  ixracı 17,3 milyon, çay ixracı 6,7 milyon ABŞ dolları təşkil edib.

Müəllif: Elmir Murad