12:10 - 21.09.2020

---

21 sentyabr, Fineko/abc.az. Azərbaycan Mərkəzi Bankı depozit hərracında 150 mln. manat cəlb edib.

"AMB sentyabrın 21-də banklar üçün növbəti depozit hərracı keçirib və bu hərracda 150 mln.manat cəlb edib. Hərracda təklif 795,1 mln. manat təşkil edib. Hərrac zamanı ortaçəkili faiz 6,01% təşkil edib", - deyə AMB-dən bildiriblər.

Vəsaitlər 14 gün müddətinə cəlb edilib.

AMB 2016-cı ilin iyun ayından depozit hərraclarının keçirilməsinə başlayıb.