15:25 - 1.09.2020

---

1 sentyabr, Fineko/abc.az. Azərbaycana gətirilən tibbi (cərrahiyyə əməliyyatı və ya prosedur üçün) respiratorlar 15 faiz idxal gömrük rüsumundan azad edilib.

ABC.AZ-ın məlumatına görə, Nazirlər Kabineti bununla bağlı “Azərbaycan Respublikasının xarici iqtisadi fəaliyyətin mal omenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

Qərara əsasən, tibbi maskaların 1 ədədinə isə 0,03 dollar idxal gömrük rüsumu tətbiq olunacaq. Qərar 31 dekabr 2021-ci ilə qədər qüvvədədir.

2021-ci il dekabrın 31-dən sonra isə Azərbaycana gətirilən tibbi (cərrahiyyə əməliyyatı və ya prosedur üçün) respiratorlar və tibbi maskalara 15 faiz idxal gömrük rüsumu tətbiq olunacaq.