16:44 - 29.10.2026

---

29 oktyabr, Fineko/abc.az. Cari ilin yanvar-sentyabr aylarında Azərbaycan Portuqaliyaya 395 min tondan çox xam neft ixrac edib ki, bu da ötən ilin müvafiq dövrü ilə müqayisədə əhəmiyyətli dərəcədə azdır.

Bu barədə Dövlət Gömrük Komitəsindən bildirilib.

Hesabat dövründə ixrac olunan neftin ümumi dəyəri 221,95 milyon dollar təşkil edib.

Ötən ilin eyni ayları ilə müqayisədə həcm baxımından 44,7%, dəyər baxımından isə 42,36% azalma qeydə alınıb.

Məlumata əsasən, Portuqaliyanın ölkəmizin ümumi neft ixracındakı payı 2,49% olub.

Ümumilikdə isə həmin dövrdə Azərbaycanın xarici ticarət dövriyyəsi 37,2 milyard dolları ötüb.