09:28 - 22.10.2026

---

22 Oktyabr, Fineko/abc.az. "Facebook", "Instagram" və "WhatsApp"ın çətir şirkəti "Meta" 2026-cı ilin üçüncü rübünə dair maliyyə göstəricilərini açıqlayıb. Şirkətin gəliri illik müqayisədə 26% artaraq 64,6 milyard dollara, xalis mənfəəti isə 264% artaraq 9,9 milyard dollara yüksəlib.

Ötən ilin eyni dövründə 2,7 milyard dollar mənfəət əldə edən şirkətin səhm üzrə mənfəəti 1,05 dollardan 3,83 dollara qalxıb. "Meta" dördüncü rübdə gəlirlərinin 73-76 milyard dollar arasında olacağını proqnozlaşdırır. Rübün maliyyə nəticələrinə gənclərin psixi sağlamlığı ilə bağlı məhkəmə iddialarının tənzimlənməsi çərçivəsində 9,89 milyard dollarlıq birdəfəlik xərc də daxil edilib (bu xərc nəzərə alınmasaydı, səhm üzrə mənfəət 7,40 dollar olacaqdı).

Şirkət rəhbəri Mark Zukerberq süni intellekt ("Muse" və "Muse Wonder" modelləri) sahəsinə edilən investisiyaların öz bəhrəsini verdiyini və biznesin bütün istiqamətlərdə sürətləndiyini vurğulayıb.