17:02 - 21.10.2026

---

21 oktyabr, Fineko/abc.az. Ümumtəhsil məktəblərinin fiber-optik kabellə internetə və daxili şəbəkəyə qoşulması üçün 7,99 milyon manatlıq müqavilə bağlanıb.

Azərbaycan Respublikası Elm və Təhsil Nazirliyi yanında Təhsil Sisteminin İnformasiyalaşdırılması İdarəsinin müvafiq satınalması üzrə qalib “TEXNO LYUKS M” MMC olub.

Müqavilənin məbləği 7 990 080,52 manat təşkil edir.

Satınalma ümumtəhsil məktəblərinin yüksəksürətli internet şəbəkəsinə qoşulması və şagirdlərin distant təhsilə cəlb olunması məqsədilə məktəblərin fiber-optik kabellə internetə və daxili şəbəkəyə qoşulmasını əhatə edir.