10:23 - 15.10.2026

---

15 oktyabr, Fineko/abc.az. Energetika Nazirliyinin 2026-cı ilin yanvar-sentyabr ayları üzrə operativ məlumatlarına əsasən, respublikada 37,9 milyard kubmetr təbii qaz hasil olunub.

Hasilatın 20,6 milyard kubmetri “Şahdəniz”, 10,8 milyard kubmetri “Azəri-Çıraq-Günəşli” (AÇG), 1,2 milyard kubmetri “Abşeron” yatağının payına düşüb. SOCAR üzrə qaz hasilatı isə 5,3 milyard kubmetr təşkil edib.

Hesabat dövründə xaricə 18,4 milyard kubmetr qaz ixrac olunub. İxracın 8,6 milyard kubmetri Avropanın, 7 milyard kubmetri Türkiyənin (o cümlədən TANAP-la 4,2 milyard kubmetr), 1,6 milyard kubmetri Gürcüstanın, 1,2 milyard kubmetri isə Suriyanın payına düşüb.