15:20 - 14.10.2026

---

14 Oktyabr, Fineko/abc.az. Beynəlxalq Enerji Agentliyi (IEA) öz aylıq hesabatında bildirib ki, neftə olan tələbatın zəif olmasına baxmayaraq, Yaxın Şərq və Rusiyadakı münaqişələr səbəbindən dizel və orta distillatların qlobal təchizatı 2027-ci ilə qədər təzyiq altında qalacaq. Təhlükəsizlik riskləri səbəbindən dizel bazarları "həddindən artıq gərginlik" altındadır.

BEY-in proqnozuna görə, qlobal neft tələbatı bu il sutkada 2,6 milyon barel azalaraq orta hesabla 102,4 milyon barel/gün təşkil edəcək ki, bu da 2020-ci ildən bəri en böyük illik düşüşdür.

Müharibə səbəbindən qlobal neft ehtiyatları münaqişədən əvvəlki səviyyələrdən 509 milyon barel aşağı düşüb. 2027-ci ildə tələbatın sutkada 2 milyon barel artacağı gözlənilsə də, bərpa 2025-ci ilin səviyyəsindən aşağıda qalacaq.