Azərbaycanda internet və data xidmətlərindən gəlirlər kəskin artıb — İnternet gəlirləri 636 milyon manatı keçib

17:18 - 21.08.2026

21 avqust, Fineko/abc.az. 2025-ci ildə Azərbaycanda data xidmətlərindən əldə olunan gəlir 2024-cü illə müqayisədə 20,8% artaraq 65 milyon 415 min manata çatıb.

Dövlət Statistika Komitəsinin göstəricilərinə əsasən, hesabat ilində informasiya və texnologiya sektorunun digər sahələrində də nəzərəçarpan dinamika qeydə alınıb:

  • İnternet xidmətləri: 636 milyon 372 min manat (+35%)

  • Məlumatların işlənməsi və veb-xidmətlər: 186 milyon 915 min manat (-10,3%)

  • Radio və TV yayımı: 110 milyon 503 min manat (+2,4%)

  • Peyk rabitəsi xidmətləri: 69 milyon 105 min manat (+40,5%)

  • Kino və TV proqramlarının istehsalı: 51 milyon 930 min manat (+2,1%)

  • Nəşriyyat fəaliyyəti: 39 milyon 210 min manat (+27,2%)