11:33 - 30.07.2026
30 iyul, Fineko/abc.az. ABŞ Federal Ehtiyat Sistemi (Fed) iyul iclasının yekunlarına əsasən, uçot dərəcəsini gözləntilərə uyğun olaraq %3,50–3,75 diapazonunda dəyişməz saxlayıb.
Əsas məqamlar:
• Komitədə fikir ayrılığı: Qərar 9 lehinə, 3 əleyhinə səslə qəbul edilib. Dallas, Klivlend və Minneapolis Fed rəhbərləri (Lori Loqan, Bet Hammak və Nil Kaşkari) faizlərin 0,25 faiz bəndi artırılmasının tərəfdarı olublar. Bu, 2016-cı ildən bəri eyni istiqamətdə 3 qarşı səs verilən ilk toplantıdır.
• Kevin Uorşun bəyanatı: Fed sədri Kevin Uorş inflyasiya hədəfindən güzəştə getməyəcəklərini və qiymətlərin tam sabitləşməsinin vaxt tələb edəcəyini vurğulayıb. O, yüksək inflyasiyanın qalıcı olacağı təqdirdə faiz artımının gündəmə gələ biləcəyini bildirib.
