22:05 - 7.07.2026

---

7 iyul, Fineko/abc.az. Tayvanda istehlak inflyasiyası iyun ayında illik ifadədə 2,6%-ə yüksələrək (mayda 2,2%) gözləntiləri üstələyib. Baza inflyasiyası da artaraq 2,45%-ə çatıb.

Qiymət artımı geniş xarakter daşıyıb: mallar 2,32%, xidmətlər isə 2,85% bahalaşıb, ən böyük artım isə istirahət və evdən kənar qidalanma xərclərində qeydə alınıb. Yay tarifləri səbəbindən mənzil və elektrik enerjisi qiymətlərinin artması da mühüm təsir göstərib.

Əlavə təzyiqi idxal qiymətlərinin artması (+15,4%) və Tayvan dollarının zəifləməsi yaradıb. Bank of America yay aylarında inflyasiya təzyiqinin yüksək qalacağını gözləyir və sentyabrda faiz dərəcəsinin 12,5 b.p. artırılmasını istisna etmir.