15:22 - 17.06.2026

---

17 iyun, Fineko/abc.az. Dünyanın ən zəngin adamı İlon Maskın sərvəti qlobal biznes tarixində indiyədək görünməmiş bir zirvəyə yüksəlib. "SpaceX" şirkətinin birjada uğurlu debütündən (IPO) sonra davam edən kəskin artım milyarderin kapitalını yeni rekorda daşıyıb.

ABC.AZ "Forbes"un real zamanlı milyarderlər siyahısına istinadən xəbər verir ki, Maskın sərvəti çərşənbə axşamı 1,4 trilyon dollar olaraq qiymətləndirilib. Bu, son bir ticarət günündə 100 milyard dollardan çox artım deməkdir.

Qlobal reytinqdəki tarixi fərq və detallar:

"SpaceX" effekti: Sərvətin kəskin artmasına əsas səbəb "SpaceX"in səhmlərinin birjada 30%-dən çox bahalaşması olub. Şirkətin bazar dəyəri "Amazon"u və qısamüddətli olaraq "Microsoft"u geridə qoyaraq dünyanın 5-ci ən böyük şirkətinə çevrilib.

Rəqiblərindən 1 trilyon dollar öndə: Dünyanın ikinci ən zəngin şəxsi – "Google"un həmtəsisçisi Larri Peycin sərvəti 300–314 milyard dollar arasındadır. Maskın kapitalı hazırda Larri Peyc, "Nvidia" sədri Censen Huanq və "Meta" rəhbəri Mark Zukerberqin ümumi sərvətindən də çoxdur. Hətta Mask 1 trilyon dollar itsə belə, yenə də siyahıda birinci pillədə qalacaq.