11:22 - 15.04.2026

---

15 aprel, Fineko/abc.az. Nissan Motor Co. 2025-ci ildə istehsalı dayandırılmış kult idman avtomobili GT-R modelinin geri qayıdacağını rəsmi şəkildə təsdiqləyib.

ABC.AZ xəbər verir ki, şirkətin rəhbəri İvan Espinosa modelin mütləq istehsala buraxılacağını bildirib, lakin konkret tarixlər hələ açıqlanmayıb.

Eyni zamanda şirkət Re:Nissan restrukturizasiya planını həyata keçirir: qlobal model sırasını 56-dan 45-ə endirəcək, onları vahid arxitektura üzərinə keçirəcək və elektrifikasiya ilə süni intellektə üstünlük verəcək.

Bundan əlavə, yeni Skyline modeli, yenilənmiş X-Trail və Rogue e-POWER, eləcə də elektrik Juke təqdim olunub.

GT-R modeli 1969-cu ildə təqdim olunan Skyline GT-R-dən qaynaqlanır, 2007-ci ildə isə müstəqil modelə çevrilib. 2007–2025-ci illər ərzində təxminən 18 min avtomobil istehsal edilib. Şirkət bu modelin irsini qorumağı və idman istiqamətini inkişaf etdirməyi planlaşdırır.