16:30 - 10.04.2026

---

10 aprel, Fineko/abc.az. 10 aprel 2026-cı il tarixində Bakı vaxtı ilə saat 06:53-də Orion kosmik gəmisi mühərrikləri ikinci dəfə işə salaraq geri dönüş trayektoriyasını uğurla korreksiya edib. Manevr 9 saniyə davam edib və sürəti 1,62 m/s dəyişib. Atmosferə daxil olmağa bir sutkadan az vaxt qalır.

ABC.AZ xəbər verir ki, bundan az əvvəl qısa müddətli rabitə nasazlığı baş vermişdir, lakin problem operativ şəkildə aradan qaldırılmışdır. Ekipaj daha əvvəl Ay ətrafında uçuş zamanı müşahidələr də aparıb.

Sonuncu korreksiya Bakı vaxtı ilə saat 21:53-ə planlaşdırılıb, suya enmə isə 11 aprel saat 04:07-də Kaliforniya sahilləri yaxınlığında gözlənilir.