17:23 - 25.02.2026

---

25 fevral, Fineko/abc.az. 25 fevral tarixində dünya fond bazarları müsbət dinamika nümayiş etdirir: ABŞ, Asiya və Avropa indeksləri yüksəlir.

ABC.AZ xəbər verir ki, ABŞ fond indeksləri əvvəlki sessiyanı artımla başa vurub: Dow Jones 0,76 %, S&P 500 — 0,77 %, Nasdaq isə 1,04 % artıb. AMD-nin səhmləri (+5,8%) Meta-nın 60 milyard dollarlıq prosessor almaq planları fonunda böyümənin lideri olub. Home Depot (+3,5%), Keurig Dr Pepper (+3,8%) və Keysight Technologies (+18%) də artıb. Bununla yanaşı, Hims & Hers Health səhmləri zəif proqnoza görə 8 % ucuzlaşıb.

Asiyada Nikkei 225 indeksi 2,6% artaraq rekordu yeniləyib, KOSPI 2,1%, Shanghai Composite 0,9%, Hang Seng 0,6%, Avstraliya S&P/ASX 200 1,2% artıb. Artımı əsasən texnologiya və sənaye şirkətlərinin səhmləri, o cümlədən Samsung Electronics və Hyundai Motor dəstəkləyib.

Avropa bazarları da müsbət zonadadır: Stoxx Europe 600 indeksi 0,5 %, Böyük Britaniya FTSE 100 indeksi 0,8 %, Fransa CAC 40 indeksi 0,4 %, Almaniya DAX indeksi isə 0,2 % artıb. Artım liderləri arasında Siemens Energy, HSBC və Fresnillo yer alıb, geridə qalanlar sırasında isə Diageo və Haleon olub.