10:39 - 20.02.2026

---

20 fevral, Fineko/abc.az. Cənubi Koreyanın Samsung Electronics şirkətinin bazar kapitallaşması $876,24 mlrd-a çatıb.

ABC.AZ xəbər verir ki, bir il əvvəl bu göstərici $244,51 mlrd təşkil edirdi ki, bu da 358% artım deməkdir. Bir səhmin dəyəri isə $130-u ötüb.

Artım Tesla ilə yarımkeçiricilərin istehsalı üzrə $16,5 mlrd məbləğində böyük müqavilə, eləcə də Nvidia ilə tərəfdaşlıq çərçivəsində süni intellekt platformaları üçün HBM4 standartlı yaddaşın kütləvi istehsalına başlanması ilə əlaqələndirilir.