11:04 - 4.02.2026

---

4 fevral, Fineko/abc.az. PepsiCo-nun 2025-ci maliyyə ilinin IV rübü üzrə hesabatı bazar gözləntilərini üstələyib: gəlirlər 5,6% artaraq 29,3 mlrd dollar təşkil edib, xalis mənfəət və səhm üzrə mənfəət isə 66%-dən çox yüksəlib.

ABC.AZ xəbər verir ki, şirkət bu nəticələri səmərəliliyin artması və xərclərin azaldılması ilə əlaqələndirir ki, bu da marjanın xeyli yaxşılaşmasına imkan verib.

Bununla belə, 2025-ci ilin ümumi nəticələri zəif olaraq qalır: illik gəlirlər cəmi 2,2% artıb, xalis mənfəət və səhm üzrə mənfəət isə təxminən 14% azalıb. Bazarın reaksiyası ehtiyatlı olub — sessiya yekununda səhmlər bahalaşsa da, premarketdə enişə keçib ki, bu da investorların şirkətin uzunmüddətli perspektivlərini ehtiyatla qiymətləndirdiyini göstərir.