11:39 - 28.01.2026

---

28 yanvar, Fineko/abc.az. Yaponiyanın SoftBank holdinqi süni intellekt şirkəti OpenAI-yə əlavə 30 milyard dollar investisiya yatırmaq üçün danışıqlar aparır.

ABC.AZ xəbər verir ki, bu barədə məlumatı Bloomberg yayıb.

SoftBank artıq ChatGPT çat-botunun tərtibatçısına yatırım edən ən iri investorlar arasında yer alır. Keçən il Yaponiya qrupu OpenAI-yə 40 milyard dollardan çox yatırım etmişdi.

Məlumat mənbələrindən biri xəbərdarlıq edib ki, danışıqlar hələ ilkin mərhələdədir və investisiya məbləği dəyişə bilər. Əgər razılaşma baş tutsa, OpenAI-nin ümumi dəyəri təxminən 830 milyard dollar təşkil edə bilər.

Bu xəbərlər fonunda SoftBank-ın Yaponiyada səhm qiymətləri 8% artıb. 28 yanvar saat 9:54 (Bakı vaxtı) artım 3%-ə qədər yavaşlayıb.