15:06 - 19.01.2026

---

19 yanvar, Fineko/abc.az. Ötən ilin yanvar-noyabr aylarında Azərbaycanda informasiya və rabitə sektorunda orta aylıq nominal əməkhaqqı 1 866 manat təşkil edib.

ABC.AZ Dövlət Statistika Komitəsinə istinadən xəbər verir ki, bu göstərici dövlət sektorunda 1 616 manat, özəl sektorda isə 2 034 manat olub.

2024-cü ilin eyni dövrü ilə müqayisədə sektorda orta aylıq nominal əməkhaqqı 12,3 %, o cümlədən dövlət sektorunda 10 %, özəl sektorda isə 13,1 % artıb.

2025-ci il dekabr ayının 1-nə sektorda muzdla çalışan işçilərin sayı 34,2 min nəfər olub ki, bu da bir il əvvəlki göstəricidən 0,3 % azdır.