15:40 - 26.12.2025
26 dekabr, Fineko/abc.az. İllik 80 mlrd kubmetrədək təbii qaz idxal etmək imkanına malik olan Türkiyə, hazırkı 60 mlrd kubmetrlik istehlak fonunda Avropaya qaz ixracı və ticarəti üçün infrastrukturunu inkişaf etdirir.
ABC.AZ xəbər verir ki, bu barədə Türkiyənin energetika və təbii sərvətlər naziri Alparslan Bayraktar bildirib.
Onun sözlərinə görə, Türkiyə artıq Suriyaya və Naxçıvana qaz tədarük edir, Bolqarıstan üzərindən Avropaya ixrac həyata keçirir və Rumıniyanın ildə 1 mlrd kubmetr qaz tələbi ilə bağlı müraciətini nəzərdən keçirir. Əsas tədarüklər Rusiya, Azərbaycan və İrandan daxil olan qaz kəmərləri də daxil olmaqla 14 istiqamət üzrə həyata keçirilir.
Daha əvvəl Türkiyə ərazisində "Şimal axını" tranzitinin yönləndirilməsi üçün qaz Mərkəzinin yaradılması, həmçinin İstanbulda öz qaz indeksi ilə qaz ticarət mərkəzinin açılması ideyası müzakirə olunmuşdur.
