15:04 - 16.12.2025

---

16 dekabr, Fineko/abc.az. Rusiyalılar demək olar ki, artıq dörd ildir Türkiyədə xarici vətəndaşlar arasında əmlak alanların siyahısında birinci yerdədirlər.

ABC.AZ xəbər verir ki, Turkstat məlumatına görə, noyabrda rusiyalılar 310, oktyabrda isə 315 sövdələşmə həyata keçiriblər, 2024-cü ildə isə təxminən 4,9 min mənzil alıblar.

Noyabrda ikinci yerdə ukraynalılar (159 sövdələşmə), üçüncü yerdə isə almanlar (151) olub. Ümumilikdə xarici vətəndaşlar 1 943 əmlak alıb ki, bu da illik müqayisədə 9,7 % azdır. Ən çox tələb İstanbulda (728), Antalyada (662) və Mersində (157) qeydə alınıb.

Yanvar-noyabr aylarında xarici vətəndaşlara 18 993 əmlak satılıb, bu, keçən ilin eyni dövrü ilə müqayisədə 11,1 % azdır, ümumi satış isə 13,3 % artaraq 1,4 milyondan çox olub.